1968. року приходзи до пременкох понеже Яким Медеши Меґре одходзи до ЮНА, так же на його место приходзи Владимир Горняк Мезеш. Нєодлуга ище єден член одходзи на одслуженє воєного часу; то Дьордє Ковачевич Дьока, так же тераз состав досц ослабени. Млади ентузиясти, медзитим, не траца надїю до успиху: од МО Союзу младежи достали просторию у „Желєней затради” и там витирвало вежбаю. Здогадую ше же им проби знали тирвац и по 5 або 6 годзини. Зоз граньом ше „врацаю” на репертоар домашніх составох и виводза композициї котри грали теди барз популарни Камелеони, Силуети, Елипси, Джентлмени, Црвени коралї. Кед им ище єден член напущел орхестру, Канонади II гледаю помоц. Находза ю у особи уж искусного музичара Михайла Микитового котри дзечнє помага ослабеному составу.
Ю. Надь (мак ● ЧИСЛО 3 ● РОК VI ● МАРЕЦ 1977 ● ЦЕНА 2 ДИНАРИ)