ЗАБАВНА МУЗИКА МЛАДИХ У РУСКИМ КЕРЕСТУРЕ (10)
„Ореоли”
После двох (длугих!) роках зациху у музичним живоце младих Керестурцох зявює ше нови состав – ОРЕОЛИ. Члени состава стари але – музика нова. По перши раз у составе грає една дзивка и по перши раз уведзени – орґулї. Верунка Тиркайлова Жана грає на орґульох, Дьордє Ковачевич Дьока на бубнох, а вон вєдно з Владом Венчельовскнм Биндийом и шпива. Соло-ґиргарист Владимир Горняк, а басист Янко Ковач. Перши раз наступели 8. марца 1972. року и шицких нєсподзивали зоз ква литетом. Такой потим грали на двох балох и предлужую поряднє грац на танцох.
Окрем искуства членох, добрей музики допринесли и добри инструменти (змоцньовачи вокс и маршал, бубни голивуд и орґулї гонер). Попри композицийох „Ю ґрупи” и „Црних бисерох”, граю и власни: „Сенди”, „А ти пошла”, „Була ши моя”, „Прежалєна любов”, „Остатня ноц”, „Бабко мала”... 1973. року ступаю до новосадокей Естради и мали пойсц грац на морйо. Медзитим, Одредзени почежкосци их загамовали у тих досц значних планох. Приходзи до пременкох, бо место Верунки Тиркайловей до составу приходзи Иринка Еделинскова, а Янко Ковач одходзи |
до иножемства та на його место приходзи Йовґен Николич Дєно, а єден час и Славко Надьмитьо.
У юнию 1973. року украднути им инструменти. Так знова до початку 1974. року на музичним плане у Руским Керестуре панує зацих. Ю. Надь
(мак ● ЧИСЛО 5 ● РОК VI ● МАЙ 1977 ● ЦЕНА 2 ДИНАРИ) |