ЗАБАВНА МУЗИКА МЛАДИХ У РУСКИМ КЕРЕСТУРЕ (9)
Саґуаро 25-25
Состав „Канонади”, после одходу двох членох до ЮНА и приходу Михала Микити, пременєл звук и мено и почал наступац як „Саґуаро 25-25”. До составу ше приклю- чел и Юлиян Варґа, побиднїк „Червеней ружи 68”, та комплетни состав таки: Владимир Горняк Мезеш (соло-ґитара), Янко Ковач (бас-ґитара), Михал Микита (ритем-ґитара), Владислав Колошняї Ринґо II (бубнї) и Юлиян Варґа (соло-шпивач). Млади музичаре пожи чели пенєжи и купели нови квали тетни инструменти. Вжиме 1970. поку, на предкладанє Любомира Медєша, орґанизована перша младежска програма „Ґаудеамус иґитур” котра крашне прията та ше з ню наступело и у Крущичу.
Нєодлуга после того инструменти од состава купує МК СМ и вони тєраз граю як младежски состав. Меняю ше и члени. Вше су частейше у фармеркох, ноша окуляри а власи им вше длугши. Успишно граю на даскелїх балох и на страни. На танцох у „Желеней загради” кед вони граю, присутни и прейґ 200 нащивителє. Нажаль, зоз составу одходзи Микита, а неодлуга до ЮНА одходза и Янко Ковач и Владимир Горняк. |
То и початок длугей павзи у забавно-музичним живоце керестурскей младежи. Два роки нїяки состав не грає у Керестуре.
Аж 1972. року пред керестурску младежу наступа нови состав, по знати як „Ореоли”, котри по ква литету обегнє дотедишнї состави. Ю. Надь
(мак ● ЧИСЛО 4 ● РОК VI ● АПРИЛ 1977 ● ЦЕНА 2 ДИНАРИ) |